Një ditë më parë ‘Iliria News’ zhvilloi një pyetësor me ndjekësit në rrjetet sociale, ku pyetëm se ‘Sa të kënaqur jeni me njësitë e paketave telefonike të kompanive në Shqipëri”?
Një ‘bum’ mesazhesh dhe komentesh kanë mbërritur në redaksinë tonë, ku tregojnë zhgënjimin dhe pakënaqësinë që qytetarët kanë me kompanitë telefonike. Jo në pak raste qytetarët i kanë quajtur kompanitë telefonike ‘hajdudë’, por shtojnë se nuk kanë ku të ankohen pasi shteti është palë me to.
Vlen të theksojmë se i gjithë tregu telefonik në Shqipëri menaxhohet nga dy kompani, One dhe Vodafone, të cilat sikur duket kanë vendosur që të ‘rrjepin’ qytetarët me ofertat e tyre të kushtueshme.
Disa nga mesazhet e qytetarëve i gjeni më poshtë, të tjerat mund t’i shikoni te linku këtu!
“Shumë i pakënaqur. Të mbajnë peng dhe të vjedhin. Shteti është ortak në vjedhjen që u bëhet qytetarëve”.
“Shumë të pa kënaqur, dhe që kur u fut ONE internet i dobët dhe harxhohet shpejt, por sdi ku të gjej zgjidhje”
“Super mashtrues dhe hajdudë të kalibrit të lartë”.
“Hajdut pa kufi, tarifa të larta 7% e pensionit abonimi, shërbimi ibret, nuk ke ku ankohesh. Shteti ortak me to, edhe Vodafone, dikur serioz është hajdut”.
“Vetëm fjalën kënaqësi mos e përmend”.
