40 ditë pas vdekjes, u bë i njohur testi i Kryepeshkopit të Shqipërisë Anastas Janullatos, i cili ndërroi jetë në janar të këtij viti.
Në testamentin e tij, Janullatos ka deklaruar se të gjitha depozitat e tij financiare janë në pronësi të Kishës së Shqipërisë. Ai kërkon që gjysma e këtyre fondeve të përdoret për përfundimin e Katedrales “Ngjallja e Krishtit” në Tiranë, ndërsa gjysma tjetër të ruhet dhe të investohet në mënyrë të tillë që të ardhurat të përdoren për mbështetje të pagave të klerikëve dhe zhvillimin e programeve rinore të Kishës së Shqipërisë.
Në testament, ai gjithashtu falënderon Kishën e Shqipërisë për dashurinë dhe përkushtimin e saj të përzemërt.
Testamenti:
“Falenderoj Kishen e Shqipërisë per dashurinë dhe përkushtimin e tyre të përzemërt.
Depozitat e mia financiare si kryepeskop i përkasin kishes se Shqipërisë.
I lutem ekzekutuesve te testamentit tim qe gjysma e shumes se ketyre depozitave te perdoret per perfundimin e katedrales Ngjallja e Krishtit në Tiranë.
Ndersa gjysma tjeter te ruhet dhe te perdoret ne menyre te pershtatshme duke siguruar qe te ardhurat nga keto investime te perdoren ne mbeshtetjen e pagave te klerikeve dhe per zhvilimin e programeve rinore te kishes se Shqipërisë.”
Kujtojmë se Kryepeshkopi Anastas Janullatos, i cili udhëhoqi Kishën e Tiranës, Durrësit dhe të Gjithë Shqipërisë, humbi jetën pas një beteje të gjatë me sëmundjen.
