Ishte identifikuar si trupi i pengut, ai i Meny Godard, i cili u vra gjatë sulmeve të 7 tetorit, kur ishte 73 vjeç. Trupi i tij u kthye nga Hamas më 12 tetor, dhe u mbledh nga automjetet e Kryqit të Kuq disa orë pas një deklarate të përbashkët mes Hamasit dhe Xhihadit Islamik Palestinez, ku njoftohej se trupi ishte gjetur në rajonin e Khan Younisit të Rripit të Gazës.
Sipas zyrës së kryeministrit izraelit, testet forenzike konfirmuan identitetin e Godard, i cili ishte vrarë së bashku me bashkëshorten e tij, Ayelet, gjatë sulmit të Hamasit në kibutzin Be’eri.
Hamas deri tani ka kthyer të gjithë 20 pengjet e gjallë, dhe 25 nga 28 trupa të pengjeve të vdekur, si pjesë e fazës së parë të marrëveshjes për armëpushim, që është pjesë e një plani të SHBA-së për përfundimin e luftës në Gaza.
Të gjithë pengjet e gjallë izraelitë u liruan më 13 tetor në këmbim të 250 të burgosurve palestinezë dhe 1,718 të arrestuarve nga Gaza. Për çdo trup të rikthyer të një pengu të vdekur izraelit, Izraeli është pajtuar të dorëzojë mbetjet e 15 palestinezëve. Megjithatë, mungesa e testeve të ADN në Gaza e bën të vështirë identifikimin e këtyre trupave.
Hamas kishte rrëmbyer 251 pengje gjatë sulmit të saj të tmerrshëm në jug të Izraelit më 7 tetor 2023, ku u vranë 1,200 persona. Sipas ministrisë së shëndetësisë të drejtuar nga Hamas në Gaza, më shumë se 69,000 palestinezë kanë humbur jetën si pasojë e përgjigjes izraelite, shifrat e së cilës Kombet e Bashkuara i konsideron të besueshme. Nga tre trupat që janë ende në Gaza, dy janë izraelitë dhe një është thai.
Izraeli akuzon Hamasin për ngadalësimin e rikuperimit të trupave të pengjeve, ndërsa Hamas thotë se po has vështirësi në gjetjen e tyre nën rrënoja.
Avancimi i ngadalshëm ka bërë që të mos ketë përparim në fazën e dytë të planit të paqes për Gaza të Presidentit Donald Trump, që përfshin planin për qeverisjen e Gazës, tërheqjen e trupave izraelite, çarmatosjen e Hamasit dhe rindërtimin e Rripit të Gazës.
