Këshilli i Ministrave i ka dhënë dritën jeshile, projektligjit në lidhje me krimin e femicidit.
Masa e re përfshin edhe ndërhyrje të tjera legjislative për të luftuar dhunën ndaj grave dhe për të mbrojtur viktimat dhe vjen në prag të 8 Marsit, Ditës Ndërkombëtare të Gruas.
“Sot qeveria po bën një hap tjetër përpara për të luftuar dhunën ndaj grave dhe për të mbrojtur viktimat”, tha kryeministrja italiane, Giorgia Meloni pas dritës jeshile të projektligjit, duke nënvizuar rëndësinë e futjes së femicidit si një krim autonom dhe dënimit të tij me burgim të përjetshëm.
“Dekreti parashikon rrethana rënduese dhe rritje të dënimeve për krimet e keqtrajtimit personal, përndjekjes, dhunës seksuale dhe pornografisë hakmarrëse. Rregulla që i konsideroj shumë të rëndësishme dhe që kemi dashur fort të japim një shtysë në luftën kundër kësaj plage të patolerueshme. Falenderoj ministrat që punuan për masën dhe që na lejuan të arrijmë këtë rezultat të rëndësishëm, në ditën e grave”- tha Meloni.
