Kanë dalë detaje të reja mbi vrasjen e 65-vjeçarit Frrok Lleshaj mbrëmjen e djeshme në fshatin Paçram të Vaut të Dejës.
Lleshaj ishte liruar dy vite më parë nga burgu, pasi ishte dënuar me 25 vite për vrasje.
Mësohet se 65-vjeçari Frrok Lleshaj rezulton se ka vrarë kushëririn e tij Dodë Lleshaj më shumë se dy dekada më parë.
“Me vendim nr.37, datë 17.03.2006, të Gjykatës Shkodër, dënuar 25 vite burgim për vrasje me dashje dhe është liruar më datën 16.03.2023 nga IEVP Shkodër”, thuhet në dosjen e Frrok Lleshajt.
Ndërkohë mësohet se mbrëmjenedjeshme ai ëhstë qëlluar me armë ndërsa ka qenë duke ecur në fshatin Paçram. Ai është gjetur i pajetë nga një kalimtar i rastit i cili ka njoftuar menjëherë policinë.
Pas marrjes së njoftimit uniformat blu kanë rrethaur zonën dhe kanë nisur hetimin për zbardhjen e ngjarjes.
Bëhet me dije se një nga pistat e hetimit është ajo e gjakmarrjes.
Njoftimi:
Rreth orës 21:00, në fshatin Paçram, Vau i Dejës, në rrugë është gjetur pa shenja jete shtetasi F. Ll., 65 vjeç, i cili dyshohet se është vrarë me armë zjarri.
Shërbimet e Policisë ndodhen në vendngjarje.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.
