Në Elbasan, tensionet gjatë mosbindjes civile të opozitës kanë çuar në shoqërimin e rreth 15 protestuesve nga policia. Sipas burimeve zyrtare, mes të shoqëruarve janë Hamza Lamce, Arben Pjetri, Agron Beqiri, Hamit Tabaku, Altin Bica, Edmond Pojani, Albi Bylykbashi, Aurel Bylybashi, Sokol Shkelzeni, Daniela Gjini, Dorian Koldashi dhe Enver Lamçe.
Shoqërimi i këtyre protestuesve ka ndodhur pas një serie përplasjeve mes protestuesve dhe forcave të policisë. Situata u agravua kur policia tentoi të hapte një aks të bllokuar nga protestuesit, një veprim që solli reagime të ashpra dhe përplasje fizike.
Në përgjigje të veprimeve të policisë, një grup protestuesish ka qëndruar përpara Komisariatit për të shprehur kundërshtimin e tyre. Një nga qytetarët e pranishëm tha: “S’guxon njeri të protestoj, se i fusin në burg,” duke ilustruar frikën dhe tensionin që ka krijuar situata.
