Ish-kryeministri i Norvegjisë është vënë nën hetim për “korrupsion të rëndë” në lidhje me raportet e tij të dyshuara me financierin e ndjerë .
Firma ligjore që e përfaqëson Jaglandin, Elden, ka konfirmuar ekzistencën e hetimit, duke theksuar se ai i mohon kategorikisht akuzat. Agjencia norvegjeze për hetimin e krimeve ekonomike dhe mjedisore, , ka njoftuar se do ta marrë në pyetje ish-kryeministrin si pjesë të procedurës hetimore.
Autoritetet kanë kryer kontrolle në banesën e Jaglandit në Oslo, si dhe në dy prona të tjera, për të verifikuar nëse ai ka përfituar dhurata, udhëtime apo kredi të lidhura me pozitat e tij publike. Jagland ka shërbyer si kryeministër nga viti 1996 deri në 1997 dhe më pas ka mbajtur poste të rëndësishme, përfshirë atë të ministrit të Jashtëm dhe sekretarit të përgjithshëm të Këshillit të Evropës. Ai mohon çdo shkelje ligjore në lidhje me Epstein.
Avokati i tij, , deklaroi se kontrollet janë procedura të zakonshme në hetime të kësaj natyre dhe konfirmoi se Jagland tashmë ka statusin formal të të dyshuarit. Sipas tij, ish-kryeministri është i gatshëm të bashkëpunojë plotësisht me autoritetet.
Çështja ka marrë dimension më të gjerë pas publikimit të dokumenteve të lidhura me Epstein, të cilat tregojnë korrespondencë me Princeshën e Kurorës së Norvegjisë, . Ajo ka shprehur keqardhje për lidhjet e saj me Epstein, ndërsa Shtëpia Mbretërore norvegjeze ka theksuar se princesha “mohon fuqimisht abuzimet e Epstein” dhe pendohen që nuk e kishte kuptuar më herët karakterin e tij.
Zhvillimet e fundit kanë nxitur debat publik në Norvegji edhe për rolin e Mette-Marit në familjen mbretërore, veçanërisht në kontekstin e gjendjes shëndetësore të mbretit , 88 vjeç, i cili ka pasur probleme shëndetësore vitet e fundit. Për këtë arsye, Princi i Kurorës, , ka ushtruar herë pas here detyrën e regjentit.
Këto zhvillime kanë shtuar diskutimet në opinionin publik norvegjez mbi transparencën, përgjegjësinë institucionale dhe figurat e larta të shtetit.
