Kim Turnbull është përfshirë në një vorbull thashethemesh dhe polemikash pas ndarjes nga djali i David Beckham, Romeo. Në një postim në Instagram, modelja vendosi të beje një deklaratë për të sqaruar të gjitha thashethemet që janë përhapur kundër saj. Ajo është e drejtpërdrejtë në deklaratën se nuk do të “durojë” më ngacmime në mediat sociale.
Ajo shpjegoi në story e Instagram se preferonte të heshte në mënyrë që të mos nxiste thashethemet: “Shmanga të flisja për këtë temë për të shmangur hedhjen e benzinës në zjarr, megjithatë, ka arritur në një pikë ku ndiej nevojën ta trajtoj atë në mënyrë që të ec përpara.”
“Nuk do të vazhdoj të ngacmohem ose të ndihem e turpëruar mbi bazën e gënjeshtrave, për t’iu përshtatur një narrative të caktuar”
Nga ana tjetër, ajo ishte e gatshme ta bënte të qartë se nuk kishte pasur kurrë një marrëdhënie me vëllain e madh të Romeos, Brooklyn Beckham, siç ishte spekuluar në të kaluarën.
“Nuk kam pasur kurrë një lidhje romantike me personin në fjalë. Asgjë mes nesh nuk ka shkuar përtej një miqësie shkollore në moshën 16 vjeç. Do të doja të tërhiqesha nga biseda që po zhvillohej dhe të sqaroja gjërat për hir të të gjithëve të përfshirë“, thotë ajo për marrëdhënien e saj të vërtetë me djalin më të madh të familjes Beckham.
Kjo deklaratë duket se është lexuar nga Romeo, pasi ai la një mesazh enigmatik në rrjetet sociale.
“Silluni mirë me njerëzit dhe mos thoni gënjeshtra të panevojshme”, shkroi ai.
