Eric Schmidt, ish-CEO i Google dhe një ndër figurat më të njohura në teknologji, ka nxitur interes mediatik për shkak të lidhjes të mundshme me Gloria-Sophie Burkandt, vajza e kryeministrit të Bavarisë, Markus Söder. Sipas “Bild”, ata u panë së bashku në Forumin Ekonomik Botëror në Davos, duke lënë hapur pyetje mbi natyrën e marrëdhënies së tyre, duke e ilustruar lajmin me fotografi të Burkandt në kostum bavarez.
Një burim i afërt me Schmidt deklaroi për “New York Post” se marrëdhënia mes tyre është vetëm miqësi dhe nuk ka asnjë element romantik. Në këtë kontekst, përfaqësues të Schmidt nuk e kanë konfirmuar ose mohuar informacionin, ndërsa Burkandt nuk ka bërë asnjë koment publik.
Gloria-Sophie Burkandt është një figurë e njohur në Gjermani për arritjet e saj akademike dhe profesionale. Ajo ka përfunduar studimet në ekonomi dhe aktualisht punon për doktoraturën në SHBA, duke jetuar ndërmjet Nju Jorkut, Los Anxhelosit dhe Gjermanisë. Ajo është aktive në rrethet e biznesit dhe modës, dhe është e njohur për punën e saj si modele në revista si Vogue Turkey dhe për artikujt që ka shkruar për Teen Vogue. Në vitin 2022, ajo diskutoi për përvojat e saj personale, duke përfshirë ngacmimet që përjetoi në fillim të karrierës.
Eric Schmidt, i cili u tërhoq si CEO i Google në vitin 2011, ka një pasuri të llogaritur rreth 54.6 miliardë dollarë sipas Bloomberg Billionaires Index. Jeta e tij private ka qenë shpesh në qendër të vëmendjes, përfshirë disa lidhje dhe çështje ligjore që ende vazhdojnë.
Schmidt është fuqimisht i angazhuar në botën e teknologjisë dhe investimeve dhe ka qenë i martuar për më shumë se 40 vjet me Wendy Schmidt. Megjithatë, në mediat ndërkombëtare speculimet për natyrën e martesës së tyre vazhdojnë, ku çiftin nuk ka bërë deklarata publike. Raportimet e fundit kanë shkaktuar debate në Gjermani dhe më gjerë, por deri tani asnjë konfirmim zyrtar për një romancë mes Schmidt dhe Burkandt nuk ka dalë.
