“Footmercato” raporton se Inter ka gjetur sulmuesin e ri për sezonin e ardhshëm. Klubi zikaltër ka arritur marrëveshje për kushtet personale me Luis Henrique, sulmuesin 23-vjeçar që luan me Marseille.
Për të bindur brazilianin, Inter i ka ofruar një kontratë 5-vjeçare dhe një rrogë normalisht më të madhe sa ajo që merr aktualisht në Francë. Pasi ka arritur dakordësinë me sulmuesin, Interi do të nisë bisedimet me Marseille, ku propozimi i zikaltërve është 24 milionë euro plus 4 milionë të tjera bonuse.
Klubi francez pritet të japë “ok”, ndaj dhe Luis Henrique mund të quhet përforcimi i parë i Interit për sezonin e ardhshëm. Për brazilianin interesohej edhe Bayern Munich, por dëshira e brazilianit është të veshë fanellën e Inter-it.
