Mëngjesin e kësaj të marte, sekretari për Diasporën në Partinë Demokratike, Indrit Hoxha, është paraqitur pranë ambienteve të Prokurorisë së Posaçme kundër Korrupsionit dhe Krimit të Organizuar.
Burime për mediat bëjnë me dije se Hoxha është thirrur nga prokurorët për t’u pyetur lidhur me financimin e Kuvendit të Rithemelimit.
Një ditë më parë, për të njëjtën arsye u paraqit edhe deputeti demokrat Belind Këlliçi. Ky i fundit u mor në pyetje lidhur me një padi që është bërë në vitin 2021 nga Gazment Bardhi sa i përket Kuvendit të Rithemelimit.
Por, ironia e kësaj historie politike dhe penale qëndron te fakti se kallëzimi është bërë nga vetë Gazment Bardhi me të cilin asokohe ishin “armiq”, ndërkohë që tani janë aleatë.
Sot, jo vetëm që kanë bërë paqe me njëri-tjetrin, por bashkëpunojnë dhe ndajnë të njëjtnë lëvizje për të rrëzuar kryeministrin Edi Rama.
