Një grua 59-vjeçare me origjinë shqiptare humbi jetën tragjikisht në një hotel në zonën e Oias, në Greqi, gjatë punës së saj.
Sipas informacionit, ngjarja ka ndodhur më 12 prill, kur gjatë punës, një krevat i fiksuar në mur ka rënë mbi kokën e 59-vjeçares, duke i shkaktuar thyerje të qafës. Shërbimet e urgjencës mjekësore kanë mbërritur në vendngjarje, por ajo kishte ndërruar jetë.
Autoritetet kanë arrestuar pronarin e hotelit dhe kërkojnë shpjegime mbi kushtet e sigurisë në ambientet dhe për punonjësit e tij. Hetimet për zbardhjen e shkaqeve të aksidentit vijojnë.
