Milani synon të bëjë ndryshime të mëdha këtë sezon, gjë që duket qartë nga largimi i disa prej emrave më të rëndësishëm të skuadrës në vitet e fundit. Përveç këtyre largimeve, klubi është aktiv edhe në merkato për të sjellë përforcime të reja, dhe një ndër emrat që po përmendet është ai i Ardon Jasharit, mesfushorit që ka shkëlqyer këtë sezon me Club Brugge në Belgjikë.
Sipas raportimeve nga Sky Sport Suisse, kuqezinjtë kanë paraqitur një ofertë fillestare prej 27 milionë eurosh plus 3 milionë në formë bonusesh për kartonin e Jasharit. Megjithatë, klubi belg ende nuk është plotësisht i bindur dhe pritet që Milani të përmirësojë ofertën. Objektivi i “Djallit” është që marrëveshja të mbyllet në një shifër midis 30 dhe 35 milionë euro.
Kujtojmë se Ardon Jashari konsiderohet si pasuesi i mundshëm i Granit Xhakës në mesfushën e Zvicrës, dhe interesimi për të është i lartë nga disa prej klubeve më të mëdha në Evropë.
