Kërkimet për 27-vjeçarin Ajet Lleshi kanë vijuar edhe ditën e sotme. I riu prej tre ditësh është zhdukur në malin e Pashtrikut ndërsa kërkimet e mëparshme kanë rezultuar të pasuksesshme pasi nuk është gjetur asnjë gjurmë e tij.
Kërkimet për të riun vijojnë ndërsa janë angazhuar banorët e zonës, gjahatarë, policë, ushtria dhe emergjencat civile të Hasit. Shërbimi Kombëtar i Kërkimit Shpetimit Malor i Kosovës njoftoi dje se e ndërpreu operacionin për të riun.
I riu nga fshati fshati Kishaj u largua që prej mëngjesit të 7 prillit nga banesa për të prerë dru në pyll. Në mesnatë 27-vjeçari gjatë telefonoi për ndihmë familjarët dhe pas kësaj telefonate që prej tre ditësh ende nuk ka gjurmë të tij, pavarësisht kërkimeve me helikopter e dron. Një ditë pas zhdukjes së tij u raportua se i riu u gjet i pajetë por lajmet u përgënjeshruan nga prefekti i Kukësit teksa theksoi se kërkimet vazhdojnë.
Terreni i vështirë dhe koha e keqe me borë kanë vështirësuar punën dhe familjarët nuk kanë arritur të pikasin të riun. Kërkimet gjatë ditës së djeshme nuk ishin të suksesshme pasi nuk gjetën asnjë shenjë të tij dhe familjarët nuk kanë asnjë kontakt me riun.
