Një person i cili më parë është denoncuar nga familjarët si i zhdukur, është gjetur pasditen e sotme në gjendje të rëndë shëndetësore poshtë urës së Maliqit, përgjatë aksit nacional Korçë-Pogradec.
U bë me dije se familjarët kanë raportuar humbjen e kontakteve me të afërmin e tyre që prej mbrëmjes së kaluar dhe kanë lajmëruar menjëherë policinë dhe paralelisht janë përfshirë edhe vetë në kërkimet në terren për gjetjen e të afërmit të tyre.
Rreth orës 15:30, në bashkëpunim me forcat policore, personi është lokalizuar poshtë urës, me shenja jete, por në gjendje të rëndë shëndetësore.
Ai është transportuar me urgjencë drejt Spitalit Rajonal të Korçës, ku aktualisht po i jepet ndihma mjekësore.
U bë me dije se i dëmtuari reagon dhe është në monitorim të vazhdueshëm nga stafi mjekësor.
