Një person është arrestuar ditën e sotme në qytetin e Elbasanit, në kuadër të operacionit policor të koduar “End”.
I riu i identifikuar si Serxhio Cërriku, 20-vjeç ka vjedhur me dhunë çantën e një gruaje 39-vjeçare në Elbasan në lagjen “Syrja Dylgjeri”.
Burimet nga forcat policore bëjnë me dije se 20-vjeçari ka kryer të njëjtin akt kriminal, pasi ka bërë dhe një vjedhje disa ditë më parë ndaj një 43-vjeçare, i cili i ka marrë çantën me para.
Ai akuzohet për veprën penale “Vjedhja me dhunë”, ndërsa policia është duke hetuar për zbulimin e plotë të rrethanave.
