Përsëri zjarr në vendin e grumbullimit të mbeturinave në Vlorë. Gazetari Enrik Mehmeti raporton se zjarri është konstatuar në orët e mbrëmjes ndërkohë që është i dukshëm nga qyteti.
Duket flaka gjigante dhe shtëllunga e zezë e tymit që mbulon zonën.
Kjo është hera e tretë që kryhet ky lloj veprimi në vendin ky depozitohen mbetjet e Vlorës dhe dyshohet se është i qëllimshëm.
Teksa vendi ndodhet në pikun e sezonit turistik dhe Vlora është një prej qyteteve bregdetare më të frekuentuara, problematika me mbetjet sjell një impakt negativ me pasoja të gjithanshme ekonomike, sociale dhe shëndetësore.
