Një tjetër shpërthim tritoli është regjistruar mëngjesin e kësaj të premte. Ngjarja ka ndodhur në Fushë-Krujë ku si pasojë janë dëmtuar xhamat e fasadës së jashtme të një lokali i cili rezulton të jetë në pronësi të shtetasit B.T.
Lidhur me këtë ngjarja Policia e Krujës ka theksuar se janë duke punuar me qëllim sqarimin e rrethanave të kësaj ngjarje si dhe identifikimin deh kapjen e autorëve.
Priten më tepër detaje në vijim. Sakaq theksojmë se më herët raportuam se në qytetin e Shkodrës një sasi lënde plasëse kishte hedhur në erë një automjet.
Sipas asaj që policia e kryeqendrës së veriut bëri me dije, eksplozivi ishte vendosur në gomat e para të automjetit në pronësi të një 37-vjeçari, i cili e kishte parkuar në rrugën “Martin Camaj”.
Njofitmi i Policisë për ngjarjen në Fushë-Krujë:
Krujë/Informacion paraprak
Më datë 31.01.2025, në orët e para të mëngjesit, në Fushë-Krujë, janë dëmtuar dyshohet me lëndë plasëse xhamat e fasadës së jashtme të lokalit në pronësi të shtetasit B. T.
Grupi Hetimor nën drejtimin e Prokurorisë vijon punën për sqarimin e rrethanve të ngjarjes, identifikimin dhe kapjen e autorit/ve.
