Erjon Meshi alias Arjon Mema është arrestuar në Durrës pasi ishte shpallur në kërkim nga autoritetet italiane.
32-vjeçari akuzohet për pjesëmarrje në grup kriminal me veprimtari në fushën e narkotikëve.
Gjykata e Trentos i ka caktuar Meshit masën e sigurisë “Arrest me burg”, për veprat penale “Mbajtje e paligjshme, shitje, prodhim, shpërndarje dhe trafikim i lëndëve narkotike” dhe “Pjesëmarrja në grup kriminal, me qëllim trafikimin e lëndëve narkotike”, parashikuar nga Kodi Penal i Italisë.
Interpol Tirana dhe Interpol Roma po bashkëpunojnë për ekstradimin e këtij shtetasi, në Itali.
