Jetmir Pepa, ose si njihet ndryshe Mir Pepa ka tërhequr shumë vëmendjen muajve të fundit. Policia ka njoftuar se në një ambient festiv, në rrugën “Liman Kaba” me datë 01 janar, në orët e para të mëngjesit është qëlluar me armë zjarri dhe autori i kësaj është Pepa. Mir Pepa njihet për përfshirjen e tij në ngjarje të ndryshme me precedentë penalë, shpesh të shoqëruara me incidente të armatosura e jo vetëm kaq.
Pepa ishte ‘molla e sherrit’, për përplasjen mes motrave Berisha, që dhunuan Klea Prengën, në gushtit të vitit që sapo kaloi. Ngjarja tronditëse u publikua nga vetë Prenga në rrjetet sociale, ku ajo tregoi plagët dhe dëmtimet e rënda në fytyrë dhe trup. Sipas aludimeve, arsyeja e dhunës ndaj saj lidhej me një marrëdhënie të pretenduar mes Prengës dhe Pepës, çka e bëri incidentin një çështje shumë të përfolur në publik për disa muaj.
E duket se gjakrat do të ndizen përsëri, pasi vetëm pak më parë ka qarkulluar në rrjete sociale një video e Mir Pepës dhe Klea Prengës duke shijuar muzikën në një club. Në video ata duken të përqafuar duke kënduar dhe momenti kur Miri e puth Klean në ballë.
Kjo video po pretendohet nga personat që e kanë shpërndarë se i përket mbrëmjen së 1 Janarit të këtij viti, ku Miri qëlloi me armë, por nga pamjet duket se është e disa kohëve më parë, pasi Klea nuk e ka shenjën në faqe që iu shkaktua nga përplasja fizike me Mariela Berishën, nënën e fëmijës së Mir Pepës.
