I dërguari special i SHBA-së për Lindjen e Mesme, Steve Witkoff, ditën e sotme u takua me familjarët e pengjeve yë mbajtur nga Hamasi.
Familjarët ngritën një kamp me tela me gjemba për të treguar gjendjen e vështirë të robërve të mbetur në duart e grupit palestinez.
Witkoff u tha familheve të pengjeve se shumica e izraelitëve dhe banorëve të Gazës duan që pengjet e mbajtura nga Hamasi të kthehen.
“Shumica e izraelitëve duan që pengjet të kthehen në shtëpi dhe shumica e qytetarëve të Gazës dëshiron kthimin e pengjeve sepse duan rehabilitimin e Rripit të Gazës”, u tha ai familjeve në “Sheshin e Pengjeve”.
“Nuk ka fitore pa i sjellë të gjithë në shtëpi”, shtoi ai.
“Plani nuk është zgjerimi i luftës, por përfundimi i saj”, theksoi Ëitkoff, duke shtuar se bisedimet tani duhet të përqendrohen në përfundimin e luftës dhe kthimin në shtëpi të të gjithë pengjeve, në vend të një marrëveshjeje të pjesshme.
Sipas Forumit të Pengjeve dhe Familjeve të Zhdukura, takimi vazhdoi për gati tre orë.
