Prezantuesja Elsa Tolaj ka bërë një dedikim prekës në rrjetet sociale, pas lajmit se babai i saj Alban Tolaj kishte vrarë veten në shtëpi. Ngjarja e rëndë ndodhi pak pas mesditës së sotme në Prishtinë, kur Policia e Kosovës njoftoi se pjesëtari i tyre dyshohet se ishte vetëvrarë.
Zemërthyer për ikjen e parakohshme dhe tragjike të babait të saj, Elsa Tolaj ndan një fotografi të hershme me të atin dhe shkruan:
“Babush, shpirti jem, dashnija jeme e parë dhe ma e madhe… Allahu qoftë i mëshirshëm me ty dhe të shpërbleftë me Xhenet, aty ku s’ka më dhimbje as mërzi, veç paqe e lumturi.
Inshallah një ditë takohemi prapë, aty ku dashnia nuk ka fund. Të don cika jote e vogël përjetësisht, babush. Nuk je fizikisht këtu, por në zemrën time je çdo sekondë. Pusho i qetë, shpirti jem…”
Reagimi i saj është shpërndarë me shpejtësi në rrjete sociale dhe të shumtë janë mesazhet e ngushëllimit nga ndjekës të Elës dhe figura publike. Ngjarja mbetet në hetim, ndërsa vendi është tronditur nga një tjetër humbje tragjike në radhët e Policisë së Kosovës.
