Flamurtari dështoi të sigurojë ngjitjen në Superligë pas humbjes 0-2 në Vlorë ndaj Besës, një rezultat që ka shkaktuar reagime të forta nga tifozeria pas ndeshjes.
Në Vlorë, atmosfera pas përfundimit të takimit Flamurtari-Besa (0-2) ishte e tensionuar dhe e mbushur me nervozizëm, pasi pritej një festë për ngjitjen në Superligë, por humbja e ka shtyrë gjithçka.
Ky rezultat ka sjellë reagime të shumta nga tifozët vlonjatë. Pas ndeshjes, trajneri i Flamurtarit, Artim Pollozhani, theksoi se ekipi ka dy finale përpara dhe se nuk është mbyllur ende asgjë, duke nënvizuar se vlonjatët kanë një avantazh prej një pike dhe do të tentojnë përsëri ngjitjen në Superligë.
