Një 80-vjeçar humbi jetën mbrëmjen e sotme në një fshat të Shkodrës, për shkak se shtëpia ku ai jetonte i vetëm u përfshi nga flakët.
Ngjarja ka ndodhur rreth orës 21:35 në fshatin Shtoj i Vjetër, në banesën e shtetasit Gjek Prronaj. I moashuari nuk ka mundur të dalë dot nga shtëpia, dhe fatkeqësisht ka humbur jetën. Sipas hetimeve paraprake, shkaku i zjarrit është aksidental.
Rreth 12 forca zjarrfikëse dhe 4 automjete të tyre, janë duke punuar për të shuar flakët e shkaktuara. Hetimet e mëtejshme të prokurorisë pritet të zbardhin rrethana të tjera ngjarjes së rëndë.
