Duket se periudha e Flick-ut në Barcelonë po i afrohet një përfundimi të parakohshëm. Sipas ABC-së, trajneri gjerman ka njoftuar në mënyrë private stafin e tij për vendimin e tij për të dhënë dorëheqjen në fund të sezonit, duke pranuar se ndjehet “shumë i lodhur” dhe i zhgënjyer nga atmosfera brenda skuadrës. Flick, i cili e kishte parashikuar një projekt trevjeçar në Katalonjë, ka filluar të ndjehet gjithnjë e më i irrituar nga ajo që ai e sheh si një rënie të profesionizmit dhe unitetit mes lojtarëve të tij.
Megjithëse skuadra ka pasur disa paraqitje të mira në periudha të ndryshme, trajneri gjerman ka shprehur shqetësime për mungesën e fokusit dhe angazhimit, veçanërisht nga individë që, sipas tij, “kanë humbur modesten që dikur i karakterizonte”. Frustrimet e trajnerit nuk janë të lidhura vetëm me rezultatet, por edhe me atë që ai konsideron një çështje kulturore brenda dhomës së zhveshjes – një skuadër e shpërqendruar nga fama, mediat sociale dhe interesat personale, në vend që të përqendrohet në qëllimet kolektive.
Flick ka diskutuar këto shqetësime me ndihmësit dhe analistët e tij që prej muajsh, duke shprehur dyshime për aftësinë e tij për të ndryshuar mentalitetin nga brenda. Kjo tregon një atmosferë të tensionuar, ku drejtimi i skuadrës po vihet në pikëpyetje, dhe ndërsa sezoni po afron përfundimin, e ardhmja e trajnerit duket e pasigurt.
Arsyetimi i Flick-ut për t’u larguar është një reflektim i keqardhjes për një projekt që nuk është zhvilluar siç ishte planifikuar. Kjo situatë shënon një periudhë të vështirë për Barcelonën, e cila, përveç sfidave të futbollit, po përballet me një krizë të kulturës së grupit dhe integritetit të skuadrës. Ndërsa tifozët presin lajme rreth një trajneri të ri, pyetje mbetet se si do të reagojë klubi për të rimarrë rrugën drejt suksesit.
