Një tentativë për vjedhje ka ndodhur në një bankë të nivelit të dytë, në qendër të qytetit të Korçës rreth orës 22:04.
Autori, i cili ka arritur të hyjë në ambientet e bankës, ka goditur me këmbë derën e jashtme për të hyrë në zonën ku ndodhej bankomati.
Aktivizimi i menjëhershëm i sistemit të alarmit të bankës ka sjellë një reagim të shpejtë nga ana e policisë, e cila ka mbërritur në vendin e ngjarjes. Megjithatë, autori ka arritur të largohet para se të mund të kapet por pa vjedhur gjë.
Policia ka nisur hetimet dhe po këqyr vendin e ngjarjes dhe kamerat e sigurisë të bankës në përpjekje për të identifikuar autorin dhe për të zbuluar detaje të tjera të mundshme lidhur me këtë tentativë vjedhjeje.
Zona ku dyshohet se mund të jetë fshehur është rrethuar momentalisht.
