Kryeministri Edi Rama ndodhet për një vizitë zyrtare në Kosovë. Pas takimit me presidenten Vjosa Osmani, Rama mori pjesë në promovimin e librit “Kur heshtja flet” nga Prof. Dr. Ahmet Shala, akademik e ish-ambasador i Kosovës, që ka shkruar me qartësi e thellësi mbi gjykimin në Hagë kundër udhëheqjes së UÇK-së.
Gjatë fjalës së tij, Rama tha se 4 ish krerët e UÇK-së nuk janë autorë të vrasjeve të shumta të qytetarëve civilë dhe përdhunimeve.
Rama theksoi se ata akuzohen për krime të rënda që nuk i kanë kryer, por përkundrazi, janë përpjekur që të mbrojnë qytetarët e Kosovës.
Nga agresorët sipas Ramës, janë dënuar me burgim të përjetshëm disa persona serbë, të nivelit të ulët.
Fjala e Ramës:
E pata të vështirë të shkruaj një fjalë nga fillimi në fund sepse përballë një siituate të tillë fjalët nuk janë të lehtra për tu gjetur. Ndër disa mendime ishin se kush është sot në të njëjtën godinë që vuan dënim pas vendimit të gjykatës ndërkombëtare. Sot të dënuar nga ajo gjykatë janë Radovan Karaçiçi, i cili u dënua me burgim të përjetshëm për një epokë terrori dhe spastrimi. Ratkoratiçi që u dënua me burgim të përjetshëm si fytyra e makinerisë së shfarosjes dhe autor i damkosur i masakres së 8 mijë njerëzve të pafajshëm në Srebenicë. Një tjetër që u dënua për shënjestrimin e snajperit ndaj grave dhe fëmijëve dhe disa autorë të tjerë përdhunimesh, vrasjesh e krime më makabre.
Sipas kërkesës së prokurorisë në Hagë këtyre të dënuarve do u shtohen edhe 4 të tjerë, në anën tjetër të barrikadës, ndërkohë që prokuroria nuk pati kapacitetin të provojë asnjë gjë të ngjashme. Sepse nuk ka asgjë të ngjashme. Nuk ka asnjë lidhje aktiviteti i UÇK, me varret masive të njerëzve të pafajshëm, me shenjëstrimin e fëmijëve dhe grave nga snajperët e vendosur aty për këtë qëllim, apo me përdhunime, vrasje dhe mbytje në lum.
Ata 4 burra nuk u armatosën për të ndërtuar një politikë shfarrosje, por u armatosën kundër një politike shfarrosje. Ata nuk u armatosur për të imponuar sundimine tyre, por për të hgequr qafe sundimin e të huajve në tokën e tyre. Dhe faktikishte ata vetë me dorëne tyre e votuan një gjykatë e cila në letër është një gjykatë e kosovës nuk është një gjykatë për të vendosur në bankën e të akuzuarve kosovën.
