Brikena Selmani, përfaqësuesja bjonde e Kosovës në garën ndërkombëtare të bukurisë e cila ka fituar titullin “Miss Grand Kosova 2025”, ka tërhequr vëmendjen e publikut pas një deklarate të papritur gjatë një interviste.
E pyetur gjatë prezantimit të saj se sa gjuhë të huaja flet, Brikena u përgjigj pa hezitim: “Flas dy gjuhë – gjuhën e Kosovës dhe shqip.”
Moderatorja vijoi me pyetjen: “Cilat janë këto gjuhë që ti di të flasësh?”, ndërsa miss-i u përgjigj: “Unë flas gjuhën e Kosovës dhe flas shqip gjithashtu!”
Deklarata e saj është bërë menjëherë virale, duke ngjallur reagime të shumta në rrjet. Ndërkohë që disa përdorues e kanë marrë me sportivitet dhe humor, të tjerë kanë kritikuar komentin, duke e cilësuar si një pasqyrim të mungesës së njohurive gjuhësore.
Megjithatë, nuk kanë munguar as ata që e kanë justifikuar vajzën, duke thënë se emocionet e momentit mund të kenë ndikuar në përgjigjen e saj.
