Pep Guardiola, trajneri i Manchester City, ka folur në konferencë për shtyp, duke komentuar emocionet e Champions League, garë ku këtë herë mungon skuadra e tij.
Guardiola: “Më mungoi Champions-i”
“Më pëlqeu të shihja ndeshjet. Ishin ndeshje të mira, veçanërisht ajo në Villa Park mes Aston Villa dhe PSG, si dhe ajo mes Barcelonës dhe Dortmundit. U kënaqa duke i ndjekur dhe më mungoi të isha aty, por e pranoj. Nuk ankohem shumë për atë që më ka dhënë jeta, si në momente të mira, ashtu edhe në ato të vështira.”
“Ka ekipe që kanë bërë më mirë se ne”
Në një moment të vështirë për Manchester City-n, Guardiola pranon realitetin me sportivitet:
“Në sport, ndonjëherë nuk merr rezultatin e dëshiruar dhe nuk meriton të jesh aty. Ka ekipe që kanë bërë më mirë. Shpresoj që sezonin e ardhshëm të jemi në gjendje të garojmë në fazat finale, siç kemi bërë në shtatë sezonet e fundit. Ne gjithmonë kemi garuar mirë.”
Pep Guardiola, edhe në mungesë të pjesëmarrjes në Champions këtë vit, vazhdon të tregojë klasin dhe qetësinë që e karakterizon, duke kthyer fokusin te ndërtimi dhe rikthimi për sezonin e ardhshëm.
