“The Telegraph” raporton se Manchester City është futur në garë për të transferuar Rayan Cherki, mesfushorin e Lyon. Me përfundimin e sezonit në Ligue 1, 21-vjeçari ka bërë të ditur vendimin e tij për t’u larguar nga klubi francez dhe për të nisur një aventurë të re.
Për mesfushorin franko-algjerian ka një interes të madh nga disa klube të Premier League dhe jo vetëm, por duket se Manchester City është më afër transferimit të tij. Me largimin e Kevin De Bruyne, Pep Guardiola duhet të gjejë një “tru” të ri në mesfushë, i aftë për të sjellë kreativitet, çekuilibër dhe vizion loje.
Edhe pse performanca e tij te Lyon ka qenë e paqëndrueshme këtë sezon, askush nuk dyshon në aftësitë dhe kreativitetin e tij në mesin e fushës. Marrëveshja me Lyon mund të mbyllet për shifrën 40 milionë euro, duke ditur që francezët kanë shumë probleme financiare aktualisht dhe janë të detyruar të bëjnë disa shitje për të rregulluar disi situatën ekonomike.
