Greqia ka forcuar pozicionin e saj në harten energjetike europiane duke nënshkruar një marrëveshje energjetike me Ukrainën, siç është deklaruar nga kryeministri grek Kyriakos Mitsotakis gjatë vizitës së presidentit ukrainas Volodymyr Zelenskyy në Athinë. Kjo marrëveshje, e cila është konsideruar si simbolike dhe me pritshmëri të larta, synon të ofrojë furnizim me gaz natyror për Ukrainën, një vend që përballet me sfida të mëdha energjetike dhe sigurisë përpara dimrit.
Zelenskyy e ka falenderuar Greqinë dhe presidentin amerikane Donald Trump, duke theksuar rëndësinë e këtij bashkëpunimi për të përballuar vështirësitë që sjell dimri. Mitsotakis nënvizoi se marrëveshja siguron gaz natyror për Ukrainën përmes Korridorit Vertikal, i cili do të garantonte furnizime të qëndrueshme për vendin gjatë periudhave kritike.
Marrëveshja mes kompanisë greke DEPA dhe ukrainase Naftogaz parashikon furnizimin me LNG amerikan. Gazi do të transportohet nga porti grek i Aleksandroupolit drejt Ukrainës dhe Evropës, me objektiv të qartë për të zvogëluar varen nga gazi rus. Furnizimet priten të nisin brenda dhjetorit, gjë që do të ndihmojë Ukrainën të përballojë stinën e dimrit.
Presidenti ukrainas theksoi se infrastruktura energjetike e Ukrainës është bërë shënjestra për sulme ruse, me termocentralet dhe burimet e gazit që goditen vazhdimisht nga raketat dhe dronët. Ai kërkoi më shumë mbështetje teknike dhe pajisje për të përballuar këto sfida, si dhe presion diplomatik ndaj Rusisë.
Zelenskyy e vlerësoi solidaritetin e Greqisë dhe theksoi rolin e saj në rajon, duke e ftuar atë të marrë pjesë në bashkëprodhimin e armëve dhe në rindërtimin e Ukrainës pas luftës. Pasi u prit në aeroport, ai pati takime edhe me homologun e tij grek, Konstantinos Tasoulas, duke theksuar marrëdhëniet gjithnjë e në rritje mes dy vendeve.
