Ish-agjenti i FBI-së, Geoffrey Kelly, ka ndarë informacion për grabitjen e fundit në Muzeun e Louvre-it, ku katër grabitës veshur si punëtorë ndërtimi morën bizhuteri mbretërore me vlerë mbi 100 milionë dollarë në një sulm që zgjati vetëm tetë minuta.
Ai theksoi se grabitësit bënë një “gabim fatal” që ndihmoi në identifikimin e tyre. Disa ditë pas grabitjes, dy prej autorëve u arrestuan afër muzeut, të bindur se ishin në prag të arratisjes për në Algjeri dhe Mali, vende pa marrëveshje ekstradimi me Francën.
Policia arriti t’i identifikojë ata përmes ADN-së së lënë pas në vendngjarje, si dhe përmes mjeteve të gjetura si elektrike dhe karburant. Kelly theksoi se sot një fragment mikroskopik ADN-je mjafton për të zbuluar kriminelët dhe se ky ishte “gabimi që i fundos” ata.
Të arrestuarit kishin pasur histori të mëparshme të përfshirjes në grabitje dhe ADN-ja e tyre mund të ketë qenë e regjistruar në bazat e të dhënave kriminale. Kelly gjithashtu diskutoi mbi kërkesën e muzeve për të ofruar një përvojë vizitorësh që shpesh nënkupton një siguri më të ulët, duke e bërë Luvrin një “shënjestër të butë”.
Ai e cilësoi këtë grabitje si një vendim të gabuar, pasi çdo veprim kunder një institucioni të tillë simbolik do të sjellë reagimin e fuqishëm të policisë franceze.
Kelly parashikon se dy të arrestuarit do të bashkëpunojnë me hetuesit, duke ndihmuar në rimarrjen e bizhuterive. Ai theksoi se skemat e krimit të organizuar janë të komplikuara, por këta grabitës duken më shumë si oportunistë sesa si një grup i planifikuar.
Sipas tij, nëse bizhuteritë janë ende të paprekura, ato mund të përdoren si kartë negociuese në bisedimet e ardhshme. Nëse këto parashikime bien në vend, Franca ka shanse të larta për të rikuperuar thesaret e saj historike shumë shpejt.
