Kryeprokurori i SPAK Altin Dumani ka dhënë detaje në lidhje me operacionin kundër grupit kriminal në Finlandë. Dumani gjatë fjalës së tij ka theksuar se ky grup kriminal merrej me trafikimin e drogërave sintetike. Ndërkohë që ka theksuar se në Finlandë nuk janë vetëm shtetas shqiptarë, por edhe të kombësive të tjera.
“Aktiviteti shtrihet në vite, e dyta organizatorët, preferonin të rrinin në Shqipëri. Nga këtu organizonin të gjithë aktivitetin kriminal. Janë 54 persona të proceduar, shumica e tyre të dënaur në Finlandë. Në Finlandë, nuk janë vetëm shtetas shqiptarë, por finlandezë, edhe me shtetësi të tjera. Hera e parë që evidentojmë grup kriminal që merrej me trafikim të drogërave sintetike. Sasitë janë të mëdha. Ky grup kriminal kishte krijuar një rrjet të tyre në Finlandë. Herë pas here, dërgonin nga Shqipëria, përfaqësues të tyre dhe aty fillonin aktivitetin e shitjes së lëndëve narkotike. Bashkëpunimi ka qenë intensiv”, tha Dumani.
