Kreu i Grupit Parlamentar të PD-së, Gazment Bardhi është shpallur i pafajshëm në gjyqin për shpifje ndaj ish-drejtorit të policisë së Shkodrës, Edmond Sulajt. Gjyqtarja Flojera Davidhi vendosi pushimin e kësaj çështjeje. Ndërkohë Prokuroria e Posaçme kishte kërkuar shpalljen fajtor të Bardhit për “shpifje” dhe shpalljen i pafajshëm për “fyerje”.
Avokatët mbrojtës të deputetit demokrat i thanë gjykatës se klienti i tyre është i pafajshëm, me argumentin se deklarimet në parlament janë bërë në cilësinë e deputetit dhe në interes të opinionit publik. Edhe jashtë ambienteve të GJKKO, avokati Marash Logu tha se gjykata iu referua ligjit dhe prova dhe shpalli Bardhin të pafajshëm. Sipas avokatit, Bardhi as nuk ka shpifur as nuk ka fyer por i është referuar dhe fakteve.
Akuzat në drejtim të Sulajt u hodhën nga Gazment Bardhi në seancën plenare të 12 shtatorit 2024, kur kreu i grupit të PD po zhvillonte një interpelancë me kryeministrin Rama për mbetjet e dyshuara toksike. Bardhi lexoi disa kodet të SkyECC dhe akuzoi se kreun e policisë në Shkodër e zgjodhën bandat në tetor 2023.
