Gjykata e Lartë ka rrëzuar rekursin e Arbër Çekajt, pronarit të kompanisë “Arbi Garden”, i cili ishte shpallur fajtor për trafikimin e sasisë më të madhe të drogës të kapur ndonjëherë në Shqipëri — 613 kg kokainë.
Çekaj, i cili ishte dënuar me 21 vite burg, përfiton një ulje të dënimit për shkak të gjykimit të shkurtuar, duke i kaluar dënimi në 14 vite burg.
Edhe pas dënimit, Çekaj ka mohuar përfshirjen e tij në ngjarjen e vitit 2018, kur u zbulua droga e fshehur brenda një konteineri bananesh, i cili kishte ardhur nga Kolumbia dhe kishte kaluar përmes Italisë, para se të mbërrinte në Portin e Durrësit dhe të depërtonte në magazinën e tij.
