Pas incidentit të rëndë që ndodhi gjatë transmetimit të drejtpërdrejtë të spektaklit “Big Brother VIP Albania”, ku konkurrenti Jozi e goditi me shuplakë Gjestin, rrjetet sociale janë përfshirë nga një valë reagimesh të forta.
Adhuruesit e programit, si dhe personazhe të njohur nga bota e artit dhe showbiz-it shqiptar, kanë dënuar ashpër këtë akt, duke e cilësuar të papranueshëm dhe duke kërkuar që Jozi të mbajë përgjegjësi ligjore për veprimin e tij.
Në shenjë mbështetjeje për Gjestin, në qytetin e New York-ut janë shfaqur në disa ekrane të mëdha imazhe të tij, të shoqëruara me mesazhin: “E gjithë Amerika është me ty Gjest”.
Ky gjest është interpretuar gjerësisht si një shprehje e fuqishme solidariteti, duke e vlerësuar Gjestin si simbol të forcës dhe dinjitetit përballë dhunës.
