Fituesi i edicionit të katërt të “Big Brother VIP Albania”, Gjesti, ka dhënë deklaratën e parë pas daljes nga shtëpia më e famshme.
Teksa ka folur për të dyja eksperiencat, për BBVK ka thënë se i është bërë diçka e padrejtë, ndërsa nuk e besonte se ftesa nga produksioni i “Top Channel” ishte e vërtetë.
“Kur kam dalë nga BBVK, e dija që më është bërë diçka e padrejtë. Kur më thirrën për të ardhur këtu, kam menduar që është shaka, deri në momentin që më janë hapur dyert atëhere kam thënë që po mund ta bëj. Kam luajtur fort, kam parë për t’i nxjerrë të gjithë jashtë”, ka thënë këngëtari.
Ndërkohë, e gjithë kureshtja është në marrëdhënien e tij me Eglin, ku e kurorëzuan dhe në martesë brenda shtëpisë, fituesi është shprehur se nuk ka diçka me të dhe se e ka lënë lidhjen e tyre “të shohim deri ku do shkojë”.
“Unë i kam thënë Eglit edhe brenda, që nuk kam diçka me të, nuk e shoh, por unë kam për të vazhduar jashtë, të shohim deri ku do shkojë. Unë jam i njëjti, nuk e gënjej dot. Ia them edhe jashtë këto fjalë”, tha Gjesti.
