Një 63-vjeçar nga fshati Markat, Bashkia Konispol, është gjetur i vetëvarur në Igumenicë, Greqi. I identifikuar si Tafil Tushaj, trupi i tij pa jetë është zbuluar i varur në një pemë në një zonë pyjore mbi shkollën e Igumenicës.
Sipas informacioneve nga policia greke, 63-vjeçari, i cili ishte raportuar i humbur nga familjarët që nga mëngjesi i së dielës, është gjetur rastësisht nga dy motorrista paraditen e djeshme, të cilët njoftuan menjëherë policinë.
Në vendin e ngjarjes kanë mbërritur forcat e policisë dhe urgjenca mjekësore, por 63-vjeçari ishte tashmë pa shenja jete. Sipas hetimeve paraprake, është përjashtuar mundësia e një krimi dhe të gjitha provat sugjerojnë se bëhet fjalë për vetëvrasje. Hetimet janë duke u kryer nga policia e Igumenicës.
