Një person është gjetur i vdekur mbrëmjen e së martës në Vlorë. Sipas informacioneve, ai është 41 vjeç dhe është zbuluar pa shenja jete nga kalimtarët në një rrugë pranë shkollës industriale.
Nga verifikimi paraprak, nuk janë gjetur shenja dhune dhe dyshohet se vdekja mund të ketë ndodhur për shkaqe natyrale.
Policia ka arritur në vendngjarje dhe ka nisur hetimet për sqarimin e rrethanave.
Njoftimi i Policisë!
Vlorë/Informacion paraprak
Rreth orës 17:50, në lulishten brenda ambientit të shkollës Industriale, është gjetur pa shenja jete shtetasi A. C. (D.), 41 vjeç, banues në lagjen Pavarësia, Vlorë, i cili dyshohet se vuante nga probleme shëndetësore.
Nga këqyrja paraprake, në trupin e tij nuk janë konstatuar shenja dhune.
Grupi hetimor vijon punën për zbardhjen e plotë të shkaqeve të vdekjes.
