Olivier Giroud është përballur me një surprizë të hidhur në SHBA. Sulmuesi i Los Angeles, ishte viktimë e një grabitje, që kap shifra të mëdha.
Sipas “TMZ Sports”, grabitësit u futën në shtëpinë e sulmuesit francez dhe morën bizhuteri me vlerë 500 mijë Euro.
Ngjarja raportohet të ketë ndodhur më 5 Shkurt, por vetëm së fundmi është bërë publike. Bashkëshortja e Olivier Giroud, zbuloi se hajdutët kishin thyer dritaren dhe kishin hyrë brenda, ndërsa menjëherë u njoftua policia, e cila ka nisur hetimet. Gjatë grabitjes, asnjë nga familjarët e Giroud nuk ndodhej në shtëpi.
Sulmuesi 37-vjeçar u transferua në verë në SHBA, pasi vendosi të largohej nga Milani, pjesë e të cilëve ishte prej tre vitesh.
