Ministri i Turizmit, Kulturës dhe Sportit, Blendi Gonxhja, ka reaguar në një postim në rrjetet sociale lidhur me akuzat e kreut të PD-së, Sali Berisha. Ky i fundit është shprehur se Gilmando Dani ka vepruar si truprojë dhe financues i ministrit Blendi Gonxhja.
Ministri në postimin e tij në rrjetet sociale shprehet se ky është lajm i rremë dhe thotë se emrin e Danit nuk e ka dëgjuar ndonjëherë dhe as e njeh. Ai thotë se Berisha duhet të provojë tani në gjykatë secilën akuzë publike që ka bërë.
Postimi i plotë:
Fake News! Lajm i Rremë! Gënjeshtra! Sot Saliu llomotit se paskam patur “badigard” (truproje) dikë që as e njoh dhe as e kam parë ndonjëherë – dhe që emrin e këtij subjekti e mësoj si shumica e njerëzve nga kronika!
Para 2 ditësh dilja i financuar (me rregull treshi në fushatë) sipas Saliut nga subjekti në fjalë! S’reagova sepse supozova se qe roitje, meqë po pardje ia bëri krah të djathtë Ervin Salijanjit subjektin, mosha, kushedi… U pa puna – do provosh në gjykatë secilin element akuze publike Sali! 81 vjeç, e s’tu zbardh dot kurrë katrani…
