Reperi i njohur Getoar Selimi ishte i ftuar në emisionin “Goca dhe Gra” në Top Channel, ku foli për karrierën, jetën personale dhe raportin me familjen.
I pyetur nga moderatoret se çfarë nuk do të toleronte si artist, Getoari u shpreh prerazi:
“Nuk do të toleroja për asnjë çmim gjërat e mia të shenjta si familjen, personalitetin dhe karakterin.”
Gjatë bisedës, reperi ndau edhe momente nga përditshmëria e tij si baba, duke theksuar se pavarësisht angazhimeve në punë, për vajzën e tij Margot gjen gjithmonë kohë: “Çfarëdo lloj pune të kem, unë e lë mënjanë për të marrë Margon nga kopshti.”
Getoari foli me dashuri për vajzën, duke e përshkruar si një fëmijë me karakter të fortë:
“I pëlqen të vishet bukur, ka një karakter të sajin, është shumë kokëfortë, por zakonisht përpiqem gjithmonë ta këshilloj çfarë të veshë.”
Ai shtoi se ka një dëshirë të veçantë për mënyrën si vajza e tij do të formohet si individ:
“Dua që prej meje të shohë si do të jetë një burrë, ndërsa nga nëna e saj le të marrë gjithçka tjetër.”
Në fund të intervistës, pyetjes nëse është më me fat Marina që e ka atë apo ai që ka Marinën, Getoari u përgjigj me një balancë të bukur:
“Nëse njëri ka fat, ka edhe tjetri – këto janë të lidhura me njëra-tjetrën.”
