Gazetarët e ‘News24’ janë përplasur mbrëmjen e sotme me forcat e policisë, pasi këta të fundit kanë marrë kontrollin e godinës së televiziont prej ditës së shtunë.
Gazetari Osman Stafa, ka hedhur dyshime se Ushtria ka marre kompjuterët dhe sendet e gazetarëve duke i ngarkuar në automjete të cilat janë bërë gati të largohen nga godina. Stafa ngriti alarmin, ndërkohë që nuk ka ende informacion se çfarë po ngarkohet në kamionët e Ushtrirë.
“Po vihen në rrezik burimet tona dhe jetët e familjarëve të tyre”, deklaroi Stafa ndërkohë që bëri thirrje për solidaritet dhe reagim nga ambasadat.
Objekti është rrethuar nga Policia që kërkon hapjen e rrugës për automjetet e Ushtrisë.
