Topi i Artë është një çmim vjetor i futbollit i paraqitur nga revista franceze France Football dhe konsiderohet si çmimi më i madh individual në futboll.
Mesfushori i Manchester City, Rodri, së fundmi u kurorëzua fitues pas arritjeve të tij të jashtëzakonshme gjatë sezonit 2023-24.
Megjithatë, ai nuk do të jetë në gjendje të mbrojë çmimin e tij pasi pësoi një dëmtim serioz që e detyroi ta mbyllë sezonin para kohe.
Gara për Topin e Artë 2025 filloi me superyje të shumtë në Europë që tregojnë tashmë pse e meritojnë çmimin prestigjioz.
Le të hedhim një vështrim në pesë favoritët aktualë kryesorë për të fituar Topin e Artë 2025 (janar 2025):
– 5 Jamal Musiala (Gjermani/Bayern Munich)
Sulmuesi i Bayern Munichut, Harry Kane, po zhvillon një tjetër sezon të jashtëzakonshëm (29 Gola/Asiste në 20 ndeshje të luajtura në të gjitha kompeticionet).
Megjithatë, Jamal Musiala ka qenë padyshim lojtari më kreativ i bavarezëve këtë sezon, duke grumbulluar 14 gola dhe gjashtë asiste në 22 paraqitje në të gjitha kompeticionet.
Forma e 21-vjeçarit ka qenë jetike në ngjitjen e Bayernit në majën e renditjes së Bundesliga-s me 36 pikë nga 15 ndeshje.
Nëse ai do të ruante këtë formë dhe nëse Bayern fitonte trofe të shumtë, nuk do të ishte befasi të shihje Musiala duke fituar Topin e Artë të tij të parë.
Musiala gjithashtu bëri paraqotje të mira për Gjermaninë gjatë fazës së grupeve të Nations League, duke shënuar dy gola dhe duke dhënë tre asiste në katër ndeshje.
– 4 Robert Lewandowski (Poloni/Barcelona)
Pavarësisht se është 36 vjeç, sulmuesi i Barcelona-s, Robert Lewandowski, mbetet një nga sulmuesit më efikasë në Europë.
Polaku ka shënuar 25 gola dhe ka dhënë dy asiste në 26 ndeshje në ndeshjet e luajtura në të gjitha kompeticionet këtë sezon.
Ai do të synojë të fitojë Topin e tij të parë të Artë, pasi humbi çmimin në vitin 2020 për shkak të pandemisë Covid-19.
Lewandowski shënoi një gol dhe dha dy asiste në katër ndeshje për Poloninë gjatë Nations League.
Megjithatë, shanset e tij për të fituar Topin e Artë varen nga ecuria që do të ketë Barcelona këtë sezon.
– 3 Vinicius Junior (Brazil/Real Madrid)
Vinicius Junior u zotua të rikthehet më i fortë në vitin 2025, pasi humbi për pak Topin e Artë të 2024-ës kundër Rodri-t.
Ai ka bërë një fillim të fuqishëm në misionin e tij tashmë, duke ndihmuar Real Madridin të fitojë Superkupën e Europës dhe Kupën Interkontinentale.
Pavarësisht mungesës në katër ndeshje për shkak të një dëmtimi muskulor, sulmuesi 24-vjeçar ka performuar mirë, duke grumbulluar 13 gola dhe nëntë asiste në 23 ndeshje në total.
Megjithatë, Vinicius ka pasur vështirësi të dukshme me ekipin kombëtar të Brazilit, duke regjistruar zero kontribute golash në katër ndeshje gjatë kualifikimeve të fundit të Kupës së Botës.
Vinicius do të përpiqet të frymëzojë Real Madridin për më shumë trofe për të forcuar kandidaturën e tij për Topin e Artë.
Los Blancos aktualisht janë të parët në La Liga me 43 pikë nga 19 ndeshje, por janë në vendin e 20-të në Champions League me vetëm nëntë pikë nga gjashtë ndeshje.
– 2 Raphinha (Brazil/Barcelona)
Raphinha po luan futbollin më të mirë të karrierës së tij dhe ka qenë ndoshta lojtari më mbresëlënës i Barcelona-s këtë sezon, përpara Lewandowskit.
28-vjeçari ka qenë i shkëlqyer nën drejtimin e Hansi Flick dhe ka atë që duhet për të fituar Topin e Artë, në varësi të asaj se si do të ecin Blaugranat këtë sezon.
Raphinha ka shënuar 17 gola dhe ka dhënë 10 asiste në 26 ndeshje në të gjitha kompeticionet për Barcelona-n këtë sezon. Ai gjithashtu shënoi tre gola në katër ndeshje për Brazilin gjatë kualifikimeve të Kupës së Botës në fillim të këtij sezoni.
Megjithatë, pavarësisht se ka një fillim të fortë, Barcelona ka rënë në vendin e tretë në renditjen e La Liga me 38 pikë nga 19 ndeshje.
Megjithatë, ata janë në vendin e dytë në Champions League me 15 pikë nga gjashtë ndeshje.
– 1 Mohamed Salah (Egjipt/Liverpool)
Mohamed Salah është aktualisht lojtari më në formë në planet dhe ka qenë sensacional për Liverpoolin e Arne Slot këtë sezon, pavarësisht se është në vitin e fundit të kontratës së tij.
32-vjeçari e ka rritur lojën e tij në një nivel tjetër dhe ka shënuar 21 gola dhe 17 asiste në 28 ndeshje. Ai gjithashtu ka shënuar dy gola në tre ndeshje për Egjiptin gjatë kualifikueset të AFCON.
Nëse ai do ta ndihmojë Liverpoolin në trofe të shumtë këtë sezon, nuk do të ishte befasi të fitonte Topin e Artë të vitit 2025.
