Gabriel Garko, i njohur si një nga aktorët më të njohur Italianë, ka befasuar publikun duke marrë guximin të zbulojë se është tashmë i martuar. Garko bëri këtë zbulim gjatë një interviste në emisionin “Verissimo”, ku ndau detaje të rëndësishme për lidhjen e tij me partnerin Giorgio, me të cilin është në një lidhje që zgjat prej katër vjetësh. Ai tha se ceremonia e martesës ndodhi në fshehtësi, me vetëm katër njerëz të pranishëm më 2 dhjetor 2024, një vendim që Garko e arsyetoi me dëshirën për të mbajtur jetën e tij personale larg vëmendjes publike.
Garko tha se ka zgjedhur të martohet për veten e tij dhe për sigurinë emocionale që kishte kërkuar për një kohë të gjatë. Ai e përshkroi këtë si një hap që i dha mundësinë të jetojë më lirshëm, duke u ndjerë më pak të detyruar për të shpjeguar jetën e tij private. Ai theksoi se ka fshehur shumë gjëra në jetë dhe se tashmë ishte në paqe me vetveten.
Partneri i tij, Giorgio, ka mbetur gjithnjë jashtë vëmendjes mediatike. Sipas informacionit të siguruar nga revista “Chi”, Giorgio është një avokat 40-vjeçar nga Palermo dhe aktualisht menaxhon një bed & breakfast në Siçili. Çifti u njoh përmes miqve të përbashkët dhe më vonë rinisën njohjen e tyre përmes rrjeteve sociale. Personat e afërt të çiftit thonë se Garko ka gjetur një ekuilibër dhe një ndjenjë qetësie pranë Giorgios.
Në vitin 2022, pas daljes së tij si homoseksual, Garko ka diskutuar shpesh për nevojën për të jetuar pa ndjenja presioni nga opinioni publik. Ai shprehu bindjen se deri kur të ketë nevojë për t’u deklaruar publikisht për orientimin seksual, nuk do të ketë liri të plotë.
Aktori tani ndihet i lumtur dhe është gati të rikthehet në ekran me serialin e ri “Colpa dei Sensi”, që do të debutojë më 30 janar në Canale 5, duke i dhënë kështu fund një periudhe që ai e përshkruan si të vështirë dhe kuptimin e një dashurie të vërtetë, të jetuar larg reflektorëve.
