Të shtunën vendi ynë do të ndikohet nga kushte atmosferike relativisht të paqëndrueshme.
Paraditja do të jetë kryesisht me mot të kthjellët dhe me vranësira të lehta kalimtare, ndërsa nga mesdita deri në pasdite parashikohet shtim gradual i vranësirave mesatare deri të dendura, të alternuara me periudha të shkurtra me diell.
Reshjet e shiut do të jenë të dobëta dhe me karakter të herëpashershëm në pjesën më të madhe të territorit. Në zonat malore të veriut mund të shfaqen shtrëngata të shoqëruara me vetëtima dhe bubullima. Pasdite vonë moti do të përmirësohet, duke sjellë kthjellime në të gjithë vendin.
Era do të fryjë kryesisht nga veriperëndimi dhe jugperëndimi, me shpejtësi deri në 8 m/s, ndërsa në zonat luginore dhe përgjatë vijës bregdetare do të arrijë deri në 15 m/s. Në det, valëzimi do të jetë mesatar, me forcë 2–3 ballë.
