Një moment shqetësues u shfaq gjatë ndeshjes mes Fiorentinës dhe Interit, kur mesfushori i Fiorentinës, Edoardo Bove, humbi ndjenjat papritmas dhe u dërgua me urgjencë në ambulancë.
Gjatë një çasti në ndeshjen e zhvilluar në stadiumin Artemio Franchi në Firence, Bove ishte përkulur për të lidhur këpucën kur pësoi një ndjesi të keqe në momentin që u ngrit. Pas kësaj, ai mbeti i shtrirë pa ndjenja në fushë, duke shkaktuar panik te lojtarët dhe stafet teknike.
Pas ndërhyrjes së menjëhershme të mjekëve, ai u transportua me ambulancë për trajtim të mëtejshëm, ndërsa frika dhe shqetësimi pushtuan të gjithë të pranishmit në stadium.
