Tensionet midis Francës dhe Italisë u intensifikuan pas deklaratave të kryeministrit francez François Bayrou, që akuzoi Italinë për praktika të “dumpingut fiskal”. Duke folur në një intervistë për katër televizione franceze, Bayrou theksoi se Italia ofron lehtësira tatimore për ata që mund të transferojnë rezidencën e tyre tatimore, duke e quajtur këtë fenomen si “nomadizëm fiskal”. Ai sugjeroi se individët dhe bizneset po zgjedhin të zhvendosen aty ku taksat janë më të ulta.
Reagimi italian ishte i menjëhershëm dhe i fuqishëm. Zyrtarë të qeverisë së Italisë e quajtën deklaratën e Bayrou si “pabazuar” dhe “stupide”. Në faqen e tij në media, Palazzo Chigi argumentoi se ekonomia italiane është më e stabilizuar dhe më atraktive se shumë vende të tjera evropiane. Italisë i janë rritur tatimet për individët që transferojnë rezidencën, për të luftuar akuzat për politikë favorizuese.
Gjithashtu, qeveria italiane u shpreh se i ka kërkuar Francës që të bashkëpunojnë në nivelin e Bashkimit Evropian për të luftuar vërtet praktikat e dumpingut fiskal, duke pohuar se këto praktika kanë dëmtuar ekonominë italiane për një kohë të gjatë. Ministër i Jashtëm, Antonio Tajani, gjithashtu kritikoi akuzat e Bayrou si të pabaza, duke theksuar se Italia po vazhdon një kurs pozitiv ekonomik, pa komplotuar kundër askujt.
Partia Lega, një forcë politike në qeveri, e cilësoi deklaratën e Bayrou si një “sulm të rëndë dhe të papranueshëm nga një qeveri franceze në krizë”. Dumpingu fiskal përshkruhet si një praktikë e cila përfshin ofrimin e tatimeve të ulëta ose zero për të tërhequr investime, që krijon konkurrencë të padrejtë dhe dëmton ekonomitë e vendeve që ndjekin politika më të drejta tatimore.
Kjo polemikë mes dy vendeve fqinje thekson tensionet ekzistuese në politikën ekonomike evropiane dhe mund të ketë pasoja për marrëdhëniet dypalëshe.
