Lideri i opozitës Sali Berisha në një deklaratë për mediat u shpreh se fotoja që u publikua mes Alex Sorosit dhe Edi Ramës ka një mesazh të jashtëzakonshëm. Berisha tha se ajo foto ka një shkak që mungon pasi në të janë mobilizuar avionë dhe miliona.
“Besoj e keni të qartë, se pikërisht në këto qëndrime është edhe ajo foto e munguar për atë foton e munguar që ta dini ju miq u mobilizuan avionë dhe miliona, por ajo fatmirësisht nuk shkrepi. Jo vetëm nuk shkrepi ajo foto, por u nxor nga arkiva një foto tjetër të cilën e ripostoi një nga dy kryestrategë botërore të fushatave elektorale La Civita me fjalët poshtë “kukulla dhe padroni” Edi dhe Alex.
Por çfarë tha padroni, padroni tha “e ripublikoj me kërkesa të shuma” dmth po jua plotësoj m.q.s i fshiu nga mediat sociale Rama fotot, po ua sjell unë shikues, ishte e jashtëzakonshme. Pavarësisht se është kundërshtar këtë ia bëri ai.
Ajo foto kishte një shkak tjetër madhor që mungoi, sepse në qindra miliarda të vjedhura të taksapaguesve amerikanë, në krye të piramidës së hajnisë ndërkombëtare është Rama me bashkëshorten dhe ish-bashkëshorten. Këto nuk i fsheh dot, janë dokumente ndërkombëtare që faktojnë se Linda dhe Delina kanë përfituar shumë përrallore nga paratë e taksapaguesve nga amerikanë qoftë nga USAID, qoftë të tjera.”, tha Berisha.
