Presidenti i Ukrainës Volodymir Zelensky ka mbërritur pak çaste më parë në Shtëpinë e Bardhë, ku është pritur nga presidenti amerikan, Donald Trump.
Ajo që bie në sy është veshja e tij, e cila ndryshe nga hera e fundit, është më serioze dhe ceremoniale.
Zelensky mesa duket ka ndjekur ”këshillat” për tu paraqitur me kostum në takim, dhe jo si herën e fundit me bluzë ushtarake.
Madje kostumi i Zelenskyt ka tërhequr edhe vëmendjen e Trump, i cili e ka komplimentuar.
“Nuk mund ta besoj, më pëlqen shumë”, tha Trump, duke treguar kostumin e zi të Zelensky-t ndërsa e përshëndeti në Shtëpinë e Bardhë.
Trump ia vuri krahun rreth shpatullës udhëheqësit ukrainas dhe pastaj hynë shpejt brenda.
